खंत वाटत नाही

हल्ली अवेळी पाऊस ओततो, वेळेत थंडी चुकूनही पडत नाही
आता, हेच, असेच होते, तुमच्या मनासारखे काहीच घडत नाही

दिवाळीत अभ्यंगस्नानाला सूखद गारव्याची असे न्यारी मजा
आता नोव्हेंबर अर्धा सरला, तरी गारवा अंगाला भिडत नाही

दिवाळीत आता बालपणीची मजा काही केल्या येत नाही
चौकटीत जगतांना सुटले भान, सारे असून समाधान मिळत नाही

मफलर, स्वेटर गेले विटून, घरात सोडा, मैदानात थंडी फिरकत नाही
वाफळता चहा टपरीवर प्यावा असं आतुन कुठेच वाटत नाही

लवंगी, फुलबाजा, चक्र, आताची लहान मुले हाती घेत नाही
दिवाळीचे गिफ्ट मिळाल्याशिवाय बापालाही स्माईलही देत नाही

आजही प्रदूषणाची तमा न बाळगता लोक कुठेही, कसेही थुंकतात
फटाके फोडून प्रदूषण होत हे दिल्लीतील शिक्षीत मानतच नाही

आजच सारे काही ओरबाडून आनंद मिळवण्याची सर्वांनाच आहे घाई
सगळ्या जनतेच्या आरोग्याच झाले वाटोळे तरी काही कुणाला फरक पडत नाही

स्वच्छता मोहीम फोटो फ्रंटपेजवर, निवडणूक केल्याची दाखवती बोटाची शाई
वस्त्यावर सोडा चांगल्या नागरी वस्तीतील कचरा ढीग चार दिवस उचलत नाही

उजव्यांचा हैदोस, डाव्यांचा कैफ, वैर, जातीधर्माचे काही केल्या सरत नाही
गोळ्या, आरडीएक्स येथे सहजच उपलब्ध, जगण्याचे भान,
जागा सैतान मरत नाही

समाज सुधरवणे फक्त वल्गना, त्यांची खरेच तर आता गरज नाही
चार दिवसात, कोटींची राख, कोणी शिकवावं आपल्या हाती काही उरत नाही

आज एखाद्या अपघातात कितीही दगावले तरी कुणी हळहळत नाही
निमित्त काही असो सेलिब्रेशन म्हणजे दणका हेच दृष्य ठाई ठाई

चार पणत्या कमी पेटवल्या, आडरानात एक दिवा पेटेल हा समज
शरयूत लक्षलक्ष पणत्या पेटवल्या, कुणाला पटणार त्यांची गरज

तुमच्या मनात जळतय त्याची किंमत आताशा कुणी करत नाही
शेजारच्या घरातील गरीबी, दुःख, आत्महत्या पाहून उगाच कुणी हळहळत नाही

माणसात असूनही आपण एकटेच असतो,आपल्याला कोणी शोधत नाही
जूने संदर्भ अचानक आठतात, काय आठावायच होत? तेच तर नेमक आठवत नाही

जगाचे संदर्भ बदलेलत नफा पाहताना ग्लोबल वार्मिंग कळत नाही
प्रदूषणाने उर धपापापून कोणी मेलं तरी मनाला चिंता छळत नाही

आम्हीच केली जंगले नष्ट निसर्गाला दोष देऊन प्रश्न सुटत नाही
आमच्या आचरणामुळे बदललली माणसे, ऋतूचक्र खंत याची वाटत नाही